وش الدبرة يا أهل الخبرة

[إيمـــان]

بسم الله الرحمن الرحيم

تقبل الله صيامكم و قيامكم و صالح أعمالكم

لدي هارد ديسك خارجي يوصل بجهاز الكمبيوتر بفتحة (USB)

كنت شابكته ع اللاب توب ،، و من السرعة نطيت عشان أشحن بطارية الكمبيوتر و نسيت أن الهارد متعلق فيه

و طااااااااااخ ع الأرض

عاد أبيه يزين و ما عاد زان ،، يمين يسار و ما اشتغل

و كل ما شبكته سألني عن التهيئة و أسوي إلغاء للأمر

جربت أشبكه في أكثر من فتحة و ما ضبط ،، شبكته في جهاز ثاني و نفس الحكاية

حينها أدركت أن الهارد ديسك خرب :no: >>> بدري ..

المهم بالنسبة لي كيفية استرجاع البيانات الموجودة فيه و التي بقيت أعمل عليها لثلاث سنوات :cries: لأنها مهمة لي مرررة و أخزنها على الهارد ديسك بشكل دوري حفظاً من ضياعها أو فورمات للجهاز يفقدني إياها..

أوديه لمحل صيانة ولا أكسره ولا أرميه ما عاد عرفت وش أسوي به :surprise:

كل ما شفته ضاق صدري ،،، اللي عنده حل يفيدني

شغلي كله بيضيع :fear:

اللي عنده خلفية أو تجربة أو يعرف محل صيانة في الرياض يصلحه (و يا رب يكون في شمال الرياض)

يساااعدنــــي ضروووووري

موفقين جميعا ،، و الله يحفظ أعمالكم من الفساد و السرقات و خراب التقنيات اللي ما لها نهاية

تعلمت من الموقف :
أن شدة الحرص على بياناتك إن لم يكن مقرونا بتوكل صادق و استوداعها الله ،
فلن يفيدك حرصك أبداً ، و لن يحميها و يحفظها إلا بإذن الله..

ربي يحفظ الجميع من كل شر و سوء

،،،

[تميم الثنيان]

احيانا ممكن لما تسوي يمين كليك بعدين استكشاف ممكن يضبط ..

لو ما ضبط في محل بالرياض اسمه دكتور هارديسك ..

ممكن يضبطه